ILOILO CITY – Wala ginpaboran ni PNP chief Police Director General Ronald dela Rosa ang mga panawagan nga i-assign sa Iloilo si C/INsp. Jovie Espenido nga hepe subong sang Ozamiz City Police Office.
Sa interview sang Bombo Radyo, ginpahayag ni Dela Rosa nga indi pa mahimo kuhaon sa Ozamiz City si Espenido bangud madamo pa sang problema sa lugar.
Indi na kinahanglan nga isaylo sa Iloilo si Espenido para lang mauntat ang iligal nga droga.
Kun hatagan sang tini-on suno kay Dela Rosa, madamo nga Ilonggo nga pulis ang masarangan himuon ang ginhimo ni Espenido sa mga Parojinog.
Nahibaluan nga matapos mapatay sang grupo ni Espenido ang pila ka miyembro sang pamilya Parojinog, nangin in-demand ini sanakalain-lain nga bahin sang pungsod.