ILOILO CITY – Naglab-ot sa 21 ka mga programa sang Bombo Radyo Philippines ang finalist sa 39th Catholic Mass Media Awards (CMMA).
Halos tanan nga kategorya para sa radyo, finalist ang mga programa sang Bombo.
Apat sa mga ini ang nagikan sa Bombo Radyo Iloilo, ang flagship station sang Bombo Radyo Philippines.
Best Business Program ang “Negosyo at Empleyo sa Bombo” sang Bombo Radyo Baguio kag Bombo Radyo Tuguegarao samtang Best Education Program ang “Bombo Lifestyle” sang Bombo Radyo Iloilo kag Bombo Radyo Dagupan.
Best Drama Program ang “Recuerdos De La Vida” sang Bombo Radyo Baguio kag “It’s All For You” sang Bombo Radyo Dagupan samtang Best Entertainment Program ang “Bombo Harana kag Iban Pa” sang Bombo Radyo Iloilo.
Ang “Kahapon Lamang Program” sang Bombo Radyo Bacolod kag Bombo Radyo Dagupan ang finalist man bilang Best Counseling Program.
Nominado sa Best News Program ang “Bombo News and Views Morning Edition” sang Bombo Radyo Iloilo, Bombo Radyo Cebu kag Bombo Radyo Tuguegarao.
Best News Feature ang “Feast of Nuestra Senora dela Candelaria” sang Bombo Radyo Iloilo, “Mother Teresa Feature Story” sang Bombo Radyo Cebu, “Sto Nino Feature Story” sang Star FM Manila, “St. Francis De Sales Special Feature” sang Bombo Radyo Cebu, “Hosanna – A Feature Story on Palm Sunday” sang Star FM Cotabato, “What is Love? – A Valentine Special” sang Bombo Radyo Naga.
Best RAdio Ad – Public Service ang “No To Drugs” sang Star FM Manila.
Patigayunon ang awards night sang 39th Catholic Mass Media Awards sa October 25 subong nga tuig.