ILOILO CITY – Duha ka mga rifle grenades ang nasapwan sa kawayanan sa Barangay Janipa-an West, Mina, Iloilo.
Ginpahayag sa Bombo Radyo Iloilo ni S/Insp. Ma. Teresa Lero, hepe sang Mina Municipal Police Station, nga ang nasambit nga granada ang naputos pa sa T-shirt sang ini ang nakit-an.
Santu sa pag-usisa sang Explosives and Ordnance Division (EOD), mahimo pa nga maglupok ang nasambit nga mga granada bangud bag-o pa ini.
Nasapwan ini sang mga kabataan nga nagahampang kag gin-report sa barangay tanod nga amu naman ang nagpahibalo sa mga kapulisan.