Bird flu na-contain na sa Pampanga – DA Sec. Pinol

ILOILO CITY – Nalimitahan na ang bird flu virus sa Pampanga.
Ini ang ginpahayag ni Department of Agriculture (DA) Secretary Emmanuel “Manny” Pinol kadungan sang pagbisita sini sa probinsiya sang Guimaras subong nga adlaw.
Sa interview sang Bombo Radyo, ginpahayag ni Pinol nga bunga ini sang iya gilayon nga pagpatuman sadto sang quarantine measures sang magsugod ang outbreak sang bird flu sa Pampanga.
Apang indi gihapon dapat magkumpiyansa suno sa tiglikom bangud indi pa masiguro nga indi na maglapta ang virus.
Nagalab-ot na sa 800,000 nga mga fowls ang ginpatay bangud sang bird flu.
Gin-ako sang DA chief nga naapektuhan ang industriya sang poultry sa pungsod bangud sang bird flu.