ILOILO CITY – Isa ang patay samtang duha naman ang nakaluwas matapos maigo sang kilat sa Barangay Maninila, Miag-ao, Iloilo.
Ginkilala ang napatay nga biktima nga si Hilario Pialdad, 41, samtang nakaluwas naman ang mag-utod nga John Mark, 20, kag Jomar Maige, 14.
Ginpahayag sa Bombo Radyo ni John Mark nga kapin isa ka oras na sila nga nagapamunit sang magpangilat kag gin-igo ang tiyo nila nga si Pialdad.
Nagtabog sila nga tatlo kag nakita na lang ang tiyo nga naga-aso na.
Suno naman kay Jomar, daw kaangay nga ginlampos sila sa duta sang gin-igo sang kilat.