ILOILO CITY – Ginlamon sang kalayo ang 77 ka mga pamalay kasunod sang sunog sa Barangay Bolilao kag Bakhaw, Mandurrriao, Iloilo City.
Sa Barangay Bakhaw, 49 ka mga balay ang totally damaged kun sa diin 58 ka mga pailya ang nadulaan sang puluy-an.
Nagalab-ot naman sa 28 ka mga kabalayan ang nasunog sa Barangay Bolilao kag masobra 30 ka pamilya ang nadulaan sang puluy-an.
Naghalin ang kalayo sa puluy-an ni Rachel Pasigna-signa kag bangud human sa mga light materials ang mga balay kag isa squatters area, rason nga madasig ang paglapta sang kalayo.
Suno kay Pasigna-signa, nagluto siya sa panyaga apang sang matapos, wala sini napatay ang kalayo kag bangud mga kabataan lang ang nabalin, napabay-a ang kalayo.
Sa karon temporaryo nga nagatinir sa gymnasium sang duha ka barangay ang mga nasunugan.