ILOILO CITY – Nagpatigayon sang overnight vigil ang mga supporters ni Iloilo City Mayor Jed Patrick Mabilog sa puluy-an sini sa Barangay Tap-oc, Molo, Iloilo City.
Ini matapos nga ginsulod sang mga katapo sang NBI ang balay sang alkalde kahapon.
Ang vigil ang ginpangunahan sang grupo nga Red Ladies nga ginbuylugan man sang mga abyan sang alkalde.
Nagbulos-bulos ang grupo sa pag-vigil tubtob mag-aga kag plano nga padayunon ini tubtob magtawhay na ang sitwasyon kag maghagan-hagan ang pamahog sa kabuhi ni Mabilog.
Wala si Mayor Mabilog sa iya puluy-an bangud sa Japan ini para magtambong sa isa ka international forum.
Kahapon nagpatigayon man sang prayer rally ang mga supporters ni Mabilog sa atubang mismo sang Iloilo City Hall.