ILOILO CITY – Ginadalian na ni Presidente Rodrigo Duterte ang pag-amyenda sang Kongreso sa Cheaper Medicine Law.
Sa interview sang Bombo Radyo, ginpahayag ni Iloilo Fourth District Rep. Ferjenil Biron, chairman sang House Committee on Trade, ginahingyo sang Malacanang nga gilayon ipasar ang amended version sang hagna agud gilayon mapatuman.
Nagapanguna nga rason sa pag-amyenda sa Cheaper Medicine Law ang paglakip sa hagna sang probisyon para sa pagtukod sang Drug Price Regulatory Board.
Suno kay Biron, natalana na nga talakayon ang amended version sang Cheaper Medicine Law kag nagalaum nga mapasar ini sa labing madali nga panahon.