ILOILO CITY – Nagpaathag si PNP chief Police Director General Ronald dela Rosa sa pagkanselar sang appointment ni Chief Insp. Jovie Espenido sa siyudad sang Iloilo.
Sa interview sang Bombo Radyo Iloilo, ginpahayag ni Dela Rosa nga mas mabug-at ang ginahingyo sang mga pumuluyo sang Ozamiz nga magpabilin anay si Espenido sa nasambit nga lugar, apisar may mga taga-Iloilo man nga nagahingyo nga ma-assign sa siyudad ang kontrobersiyal nga chief of police.
Kinahanglan pa suno kay Dela Rosa nga madakpan si Ardot Parojinog, ang hinalos ni Mayor Reynaldo Parojinog.
Ginbaha suno kay Dela Rosa sang mensahe ang Camp Crame kag ang Malacanang nga nagahingyo nga indi pagkuhaon sa Ozamiz si Parojinog rason nga nagbag-o ang isip ni Presidente Rodrigo Duterte.
Ma-demoralize suno sa PNP chief ang mga pumuluyo sang Ozamiz kun kuhaon si Espenido rason nga dapat anay tapuson sang chief of police ang trabaho sa nasambit nga lugar.
Indi naman mapat-od ni PNP chief Dela Rosa kun pagkatapos sang trabaho ni Espenido sa Ozamiz, mahimo na ini masaylo sa Iloilo.