Bading nga nagmolestiya kag nagpatay sa solterito sa Balasan, Iloilo nadakpan na

ILOILO CITY – Nadakpan na ang bading nga ginaalegar naghimulos kag nagpatay sa 14-anyos nga solterito sa Barangay Tinguian, Balasan, Iloilo.
Ginpahayag sa Bombo Radyo Iloilo ni C/Insp. Jona Galicha, hepe sang Estancia Police Station, naaresto si Raden Gonzales alyas Smile, matapos nagresponde ang Estancia PNP sa reklamo sang mga residente sa Barangay Calapdan, Estancia nga may tawo nga nagpanaka-saka sa mga pamalay kag may yara sang armas.
Suno kay Galicha, nakilala sang pila ka residente ang suspek nga nagpatay sa biktima.
Gin-ako naman sa Bombo Radyo ni Gonzales nga siya ang brutal nga nagpatay sa biktima.
Suno pa sa suspek, napikon siya sang ginhambalan sang biktima nga kadako sang iya lawas apang agi, rason nga iya ginhagad ang solterito kag gintanyagan sang P200 nga bayad.
Matapos magpasugot, gindala sini ang biktima sa talamnan kag gin-oral sex antes ginlumsan.
Gin-ako man ni Gonzales nga iya ginlampusan ang biktima kun sa diin buka ang nawong sang biktima kag gindaskan sang kahoy ang alatrasan sang biktima.
Suno sa agi, lulong ini sa iligal nga droga rason nga iya nahimo ang krimen.
Si Gonzales ang sadto pa na-involve sa kaangay man nga kaso, carnapping kag pagpangawat samtang nakuha sa suspek ang kalibre .38 nga armas kag tatlo ka sachet sang ginapatihan shabu.