ILOILO CITY – Padayon nga i-monitor sang Philippine Drug Enforcement Agency (PDEA) si Iloilo City Mayor Jed Patrick Mabilog apisar nga napatay na ang top drug lord sang Western Visayas nga si Richard Prevendido.
Sa interview sang Bombo Radyo Iloilo kay PDEA-6 Regional Director Wardley Getalla, ginpahayag sini nga ang padayon nga pagmonitor kay Mabilog ang bangud sang pagtumod ni Presidente Rodrigo Duterte sa alkalde nga drug protector.
Apang gin-athag sang opisyal nga padayon ang ginahimo sang alkalde nga bulig sa kampanya batok sa iligal nga droga sa siyudad.
lig sa kampanya batok sa iligal nga droga sa siyudad.
Samtang apisar nga ginakalipay ang pagdakop sang kapulisan kay Prevendido, nagakanugon naman ang PDEA nga indi na mahimo makuhaan sang impormasyon ang drug lord ilabi na ang angot sa mga opisyal sang gobyerno kag mga pulis nga may kaangtanan sa drug lord.
Sa bahin sang ahensiya, ginpahayag ni Getalla nga wala sila magkulang, kundi naunahan lang sila sang pulis sa pagdakop kay Prevendido.
Suno pa sa opisyal, apisar napatay na ang no. 1 drug lord sa rehiyon, wala diri nagatapos ang ila kampanya batok sa iligal nga droga.
