ILOILO CITY – Naglapta sa nagkalain-lain nga bahin sang Panay ang mga propiedad sang napatay nga top drug lord sa Western Visayas nga si Richard Prevendido.
Ini ang ginkumpirma sang mga otoridad kag sa pagpangusisa man sang Bombo Radyo.
Ang nasambit nga mga propiedad ang nagserbe nga hideout ni Prevendido sa sulod sang pila ka bulan nga ini ang gina-ayam sang mga otoridad.
Gimnpahayag sa Bombo Radyo ni S/Insp. Wilmar Bolivar, hepe sang San Joaquin Police Station, ang drug lord ang nagapanag-iya sang isa ka beach resort sa Barangay Igcadium, San Joaquin, Iloilo apang sa pangalan sang hinablos sini nga si Maria May Gregori.
Gintuyo man ni Prevendido nga magbakal sang isa pa ka property sa Barangay Pitogo sa nasambit nga banwa, apang wala madayon pero ang nagatransaksyon amu ang himata sang drug lord.
Ginkumpirma naman ni S/Insp. Jeffrey Ferrer sang banwa sang Buenavista, Guimaras nga may balay kag duta man si Prevendido sa Barangay San Pedro, pito ka ektarya nga duta sa Barangay Tacay kag rest house sa Barangay Daragan nga yara sa ngalan sang pakaisa sini nga si Ricky Prevendido.
Gintuyo man sadto sang mga otoridad nga sudlon ang isa ka manokan nga Camiros, Anilao, Iloilo nga ginapanag-iyahan ni Prevendido apang ang caretaker amu ang tinawo sini nga Ati.
Nagpanago man sa banwa sang Dumangas si Prevendido, sa puluy-an sang isa ka manugbulong nga ginapahayag karelasyon sang drug lord.