ILOILO CITY – Natumod na sang mga otoridad ang pulis nga protektor sang napatay nga top drug lord sa Western Visayas nga si Richard Prevendido.
Ginpahayag sa Bombo Radyo ni S/Supt. Jesus Camba Jr., Deputy Regional Director for Operations sang Police Regional Office 6 (PRO-6), santu sa pag-tsekyar sa mga cellphone ni Prevendido, may mga pulis ini nga ka-text lakip na ang isa ka opisyal.
Mangin ang supplier ni Prevendido sang droga ang nakilala naman sang kapulisan.
Apisar nagapanago, padayon ang komunikasyon ni Prevendido sa outside world suno kay Cambay.
Isa man ka pulis suno sa opisyal ang himata ni Prevendido kag nagapangayo pa sang kuwarta sa drug lord.
Samtang nagapatigayon na sang financial investigation ang PRO-6 batok sa drug lord.
Suno kay Cambay, ila na ginahibalo kun may kwarta sa bangko si Prevendido ukon nakapangalan sa mga himata sini ang bank accounts.
Ang mga tawo nga ginkadtuan ni Prevendido sa sulod sang walo ka bulan nga pagpanago sini sa mga otoridad, ang natumod naman sang kapulisan.