ILOILO CITY – Natumod na sang mga otoridad ang pulis nga nagaserbe nga protektor sang napatay nga top drug lord nga si Richard Prevendido.
Ginpahayag sa Bombo Radyo ni S/Supt. Jesus Cambay Jr., Deputy Regional Director for Operations sang Police Regional Office 6 (PRO-6), santu sa pag-usisa sa mga cellphones ni Prevendido, may mga ka-text ini nga pulis lakip na ang mga opisyal.
Mangin ang supplier ni Prevendido sang droga ang natumod na sang kapulisan.
Sa imbestigasyon sang kapulisan, nagaguwa nga apisar nagapanago ang drug lord, may koneksyon gihapon ini sa mga tawo sa guwa.
Ginpahayag ni Cambay nga isa ka pulis nga himata ni Prevendido ang nagapangayo pa sang kuwarta sa drug lord.
Samtang nagapatigayon naman sang financial investigation ang PRO-6 batok sa drug lord.
Suno kay Cambay, ila gina-usisa kun may kuwarta sa bangko si Prevendido ukon nadeposito kag nakapangalan sa mga himata sini ang bank accounts.
Ang mga personalidad nga ginkadtuan ni Prevendido sa sulod sang walo ka bulan nga pagpanago sini ang natumod naman sang mga otoridad.