Ginakabig na karon nga no. 1 drug lord sa Western Visayas si Ernesto “Erning” Bolivar, ang sub-group leader sadto sang napatay nga drug lord nga si Richard Prevendido.
Sa interview sang Bombo Radyo, ginpahayag ni S/Supt. Jesus Cambay Jr., Deputy Regional Director for Operations sang Police Regional Office 6, bilog na nga rehiyon ang operasyon ni Bolivar.
Kun sadto nakasentro lang sa Third, Fourth kag Fifth District sang Iloilo ang operasyon sang Bolivar Drug Group, sa karon may yara naman sa First kag Second District sang Iloilo.
Nakasulod naman si Bolivar sa siyudad sang Iloilo kun sa diin may balay ini sa Iloilo City.
Ginpahayag ni Cambay nga mangin sa Antique kag probinsiya sang Aklan, may mga tinawo na si Bolivar.
Nahibaluan nga antes nagsulod sa illegal drugs, si Bolivar ang involve sa gun for hire activities.