ILOILO CITY – Gin-ako sang pila ka mamalidha nga nagboto para hatagan sang P1,000 nga budget ang Commission on Human Rights (CHR) nga paagi lang ini sang Kamara agud hatagan sang menshae ang ahensiya.
Sa interview sang Bombo Radyo, ginpahayag ni Iloilo 3rd District Rep. Arthur Defensor Jr. nga wala sang dapat kulbaan bangud nasiguro niya nga ibalik sang Senado ang pondo sang CHR.
Gin-ako ni Defensor nga ang pagsuporta niya sa mosyon ni SAGIP party list Rep. Rodante Marcoleta nga P1,000 lang ang ihatag nga pondo sa CHR, amu nga miyembro siya sang administrasyon.
Suno sa mamalidha, kinahanglan niya mag-upod sa direksyon sang mayorya apang may personal man siya nga rason suno sa kongresista sa pagsuporta sa lihok sang Kamara.
Dugang pa ni Defensor, gin-usisa man nila ang performance sang Commission on Human Rights kag kun paano gina-gasto ang ila pondo.