ILOILO CITY – Patay ang lineman sang Panay Electric Company (PECO) matapos makoryente sa Barangay Benedicto-Jaime St., Jaro, Iloilo City.
Ginkilala ang biktima nga si Wilmar Ebide, 32, sang Zone 2, Tanza Timawa, Iloilo City.
Suno sa Jaro Police Station, nagakay-o sang linya sang PECO ang biktima sang ini ang makoryente.
Ginpadangat sa West Visayas State University Medical Center ang biktima apang ginbawian sang kabuhi.