ILOILO CITY – Sabat sa ila madugay na nga pangamuyo sang iya pamilya, ang kahilwayan sang Ilonggo priest nga si Fr. Teresito “Chito” Suganob sa kamot sang Maute terror group.
Sa interview sang Bombo Radyo Iloilo, ginpahayag ni Gloria Larrosa Lauron sang Maite Grande, Lambunao, Iloilo kag tiya ni Fr. Suganob, bag-o lang sila nag-abot halin sa simbahan sang mabaton ang balita.
Ang mga kataga nga “Thank you Lord” ang iya nasambit suno kay Lauron.
Dugang pa sini, indi ma-explain ang iya kalipay sang mahibaluan nga na-rescue sang militar ang iya hinablos.
Apang gin-ako sini nga kun kis-a nagakadulaan man sila sang paglaum nga mahilway si Fr. Suganob.
Nagpasalamat man ini sa mga nagsakripisyo nga militar para maluwas si Fr. Suganob.