ILOILO CITY – Posible nga ipaguwa na sa mga sinehan sa maabot nga Disyembre ukon Enero 2018, ang Hollywood movie kun sa diin isa sa mga cast ang TV host-actress nga si Kris Aquino.
Sa exclusive interview sang Bombo Radyo Iloilo sa Ilonggo Tony kag Grammy-winning producer nga si Jhett Tolentino, ginpahayag sini nga ginatapos na ang shooting sang pelikula nga adaptation sang libro sang Singaporean author nga si Kevin Kwan.
Suno kay Tolentino, wala ini naghinulsol nga si Kris ang ginrekomenda nga mangin kabahin sang cast sang pelikula bangud professional ini kag positibo ang feedback ni Kwan para sa Queen of All Media.
Ginpakigbahin man ni Tolentino nga adlaw-adlaw ini ginapadal-an ni Kris sang mga pictures sang naga-taping pa ini sang pelikula.
Ang tema sang pelikula ang may kaangtanan sa Asian power kag bagay ang TV host-actress sa nasambit nga pelikula.