ILOILO CITY – Gina-imbestigaran na sang Janiuay Municipal Police Station ang isa ka ginapahayag katapo sang Revolutionary Proletarian Army-Alex Boncayao Brigade (RPA-ABB) nga ginapahayag isa sa mga nagtago sa Western Visayas top drug lord nga si Richard Prevendido.
Sa interview sang Bombo Radyo Iloilo kay S/Insp. John Paul Guay, hepe sang Janiuay PNP, gin-aresto bangud sa kaso nga rape si Arnold Latigo sang Barangay Abangay, Janiuay, Iloilo.
Ginapahayag nga mismo ang RPA-ABB ang nagbulig para madakop si Latigo samtang ginahibalo pa kun ano ang matuod nga relasyon sini sa napatay nga drug lord.
Nagaguwa sa inisyal nga imbestigasyon sang otoridad nga magkumpare sanday Prevendido kag Latigo.
Ginapahayag nga isa si Latigo sa mga nagbulig sadto para makapanago si Prevendido.