ILOILO CITY – Nagpanawagan si Sen. Bam Aquino sa mga katapo sang Aegis Juris fraternity nga may kahilabtanan sa hazing nga gintunaan sang kamatayon sang UST law student nga si Horacio “Atio” Castillo III, nga mag-surrender na.
Sa interview sang Bombo Radyo Iloilo, ginpahayag ni Aquino nga ang mga pangalan nga gintuad sang suspek nga si John Paul Solano ang nagasantu sa listahan sang kapulisan sa mga person of interest sa nasambit nga insidente.
Nagasantu man ini sa mga CCTV footage nga ginauyatan sang kapulisan samtang nakilala naman suno sa senador ang mga sakay sang duha ka salakyan nga nagdul-ong kay Castillo sa ospital.
Suno sa senador, nagapati siya sa testimonya kag kredibilidad ni Solano kag dapat madakpan ang ginhingadlan sini nga mga personalidad.