ILOILO CITY – Isa ka bangkay ang nasapwan sang barangay tanod sa sementeryo sang Barotac Nuevo, Iloilo.
Sa interview sang Bombo Radyo Iloilo, ginpahayag ni C/Insp. Reymund Celoso, hepe sang Barotac Nuevo PNP, ginkilala ang biktima nga si Danilo Delgado sang Barangay Tabuc Suba, Jaro, Iloilo City apang temporaryo nga nagapuyo sa Barotac Nuevo.
Suno kay Celoso, yara na sa advance state of decomposition ang biktima kag nagapanimaho na sang masapwan.
Posible suno sa chief of police nga apat na ka adlaw nga napatay ang biktima sang ini ang masapwan.
May lima ka pilas sa lawas ang biktima tuga sang buno.