Punong barangay sa Iloilo arestado matapos ginserbihan sang search warrant

ILOILO CITY – Gin-aresto si Punong Barangay Luisito Alvior sang Barangay Consolacion, San Miguel, Iloilo.
Ini matapos ginserbihan sang search warrant sang Iloilo provincial Criminal Investigation and Detection Group (CIDG) sa pagpamuno ni Insp. Pedro Celino.
Wala sang armas nga narekober apang nakuha ang isa ka live ammunition sang 9mm kag isa ka ammunition box sang kalibre .45 nga armas.
Ginpahayag sa Bombo Radyo ni provincial CIDG head Insp. Pedro Celino nga may pribado nga complainant nga nagreklamo nga ginaalegar gintayaan siya sang armas sang punong barangay.
Ini ang gin-validate sang CIDG kag napamatud-an nga nagahupot sang indi lisensiyado nga armas si Punong Barangay Alvior rason nga ginserbihan sang search warrant.
Si Alvior ang sadto ginkasuhan man sang frustrated murder.