ILOILO CITY – Naghikog ang isa ka amay sa Sambag, Jaro, Iloilo City bangud indi luyag nga magpamana ang 27-anyos sini nga bata.
Ini ang ginkilala kay Vicente Alvarez, 57, residente sang amu man nga lugar kag nakita na lang nga nagabitay sa ila nga balayan gamit ang alambre.
Suno sa bata sini nga si Vanessa, isa ka single mother, nag-text pa kaina sang aga sa iya ang amay nga nagalain ang buot sini bangud nga nahuy-an tungod sa pagsugid niya sa mga barangay officials nga ginalingling siya sang amay.
Ginpahayag ni Vanessa nga pila ka bes siya nga ginlingling ni Vicente kag sang damlag lang, nadakpan niya ini nga samtang nagapangling-ling sa banyo, naga-masturbate rason nga gin-report sa mga opisyal sang barangay.
Bangud sini, nagbago ang iya pagtrato sa amay kag naglayas sa ila nga balay kag nag-istar sa balay sang nobyo sa Calubihan, Jaro.
Gindumdom naman sang amay nga mamana ang iya bata kag wala niya ini nagustuhan.
Naga-text man ini nga kuhaon ang apat ka tuig nga bata ni Vanessa nga isa ka bes, gintuyo updon ni Vicente sa paghikog apang napunggan sang mga kaingod balay.
Ini man ang rason suno kay Vanessa nga indi na magkadto sa iya nga amay ang bata bangud na-trauma ini.
Ini na ang ika-lima nga bes nga pagpanginmatay ni Vicente, sa diin nagsugod lang ini sang napatay ang iya asawa sang nagligad nga tuig.