ILOILO CITY – Ginkumpirmar ni Gov. Arthur Defensor Sr. nga mahimo na makasumpa sa PDP-Laban ang mga ginhingadlan ni Presidente Rodrigo Duterte nga narco-politicians sa Iloilo.
Suno kay Defensor, iya ini ginpamangkot kay House Speaker Pantaleon Alvarez kag nagpahanugot man ini kag kaupod niya nga masumpa ang nasambit nga mga opisyal.
Lakip sa masumpa sa Nobyembre 23 sa PDP-Laban nga ginhingadlan sang Presidente nga kuno drug protector, amu si Maasin Mayor Mariano Malones kag Vice Mayor Francis Amboy, Calinog Mayor Alex Aentena, Carles Mayor Salagunting Betita.
Magasumpa mana suno sa gobernador, ang tanan nga mga alkalde sa third district sang Iloilo.