ILOILO CITY – Ginpaidalom sa illumination test ang Plazuela 1 kag Plazuela 2, bilang preparasyon sa nagahilapit nga pagbukas sang Plazuela 2.
Gin-testingan ang tanan nga lighting facilities ukon suga sang pasilidad sang Plazuela 1 kag 2 kalakip na ang bridge ukon taytay nga naga-angot sa duha ka pasilidad.
Kadungan sini, ginpakita sa publiko ang dancing fountain nga amu ang mangin bag-o nga atraksyon sa Plazuela.
Napa-wow ang mga tumalambong sa fountain nga nagalain-lain ang duag.
Nagdayaw man ang publiko sa taytay nga naga-angot sang Plazuela 1 kag Plazuela 2 nga kilala sa unique nga Spanish-Italian design.
Ginpatigayon ang illumination test pagkatapos sang regular nga misa sa Plazuela kag liwat patigayunon karon sa gab-i.
Ang Plazuela ang yara sa idalom sang Florete Group of Companies kun sa diin kabahin man ang Bombo Radyo Philippines.