ILOILO CITY – Gindayaw sang pambato sang US Virgin Islands sa Miss Grand International 2017 nga si Brianna Marie Key ang talento sang Ilongga designer nga si Kirsten Regalado nga amu ang naghimo sang iya gown kag national costume para sa pageant.
Ginpahayag ni Key sa interview sang Bombo Radyo Iloilo nga isa ka “unique designer” si Regalado nga tumandok sang Bacolod City apang karon nakabase na sa Miami, Florida.
Pinasahi ang mga obra ni Regalado suno kay Key kag gusto niya ang designer nga makahimo sang iya suksukon kun sa diin mangin standout siya, kag ini ang nahimo sang Pinay fashion designer.
“I chose yo go with Kirsten because she is a very unique designer. She’s somebody that makes one of a kind gowns and are not replicated. I want something that made me standout, that made me unique. Im so overwhelmed that she let me have the honors to wear her gown,” suno kay Key sa exclusive interview sang Bombo Radyo Iloilo.
Suno sa 26-year old beauty queen, impressed siya sa “stunning gown” sang Miss Grand Florida nga obra ni Regalado rason nga wala siya magduha-duha nga kuhaon ang Ilongga para maghimo sang iya gown kag national costume.
Si Regalado man suno kay Key ang ginrekomendar sa iya sang national director sang Miss US Virgin Islands nga si Marcelo Rodrigues Garcia para mangin iya designer.
Ginlaragway ni Key ang iya duag gold nga long gown nga “stunning, breathtaking, elegant, classic kag sexy” bangud apisar conservative siya, gusto niya gihapon mangin sexy.
“Perfect” suno kay Key ang fit sa iya sang gown nga ginhimo ni Regalado.
“Phenomenal” naman para kay Key ang iya national costume nga bisan sin-o ang makakita, mabalikid gid.
Para sa beauty queen, gintuman sang Pinay designer ang iya handum kag bugal sa iya nga makasuksok sang gindisenyo ni Regalado.
“It is stunningly gorgeous, its unique, its breathtaking and its classic and its elegant but yet still a little sexy and I love that. The gown suits me perfectly. The national costume I can’t give too much away because I want to keep the element of surprise on the stage for everyone, but I can tell you its phenomenal. And there’s so many feathers and its wedding gold and its kind of make everyone turn their heads. Kirsten has like beyond… like made those dreams comes true and made something way better that I could ever dreamed of,” dugang pa sang beauty queen.
Samtang wala man nagpaulihi si Miss US Virgin Islands Grand International sa pag-sample sa extro sang Bombo Radyo Philippines nga “Basta Radyo… Bombo!”
Patigayunon ang coronation sang Miss Grand International sa October 25 sa Vietnam.