Dugang nga tropa gin-deploy sang militar sa mga nabukid nga bahin sang Iloilo bangud sa NPA sightings

ILOILO CITY – Nag-deploy sang dugang nga tropa ang militar sa nabukid nga bahin sang banwa sang Janiuay kag kaiping nga kabanwahanan.
Ini bangud sang sightings sang New People’s Army (NPA) kag natabo nga pag-ambush sang rebelde nga grupo sa banwa sang Janiuay sang damlag lang.
Suno kay Lt. Col. Sisenando Magbalot Jr., commanding officer sang 301st Infantry Brigade sang Philippine Army, gintunga-tunga sang NPA sa nagkalain-lain nga grupo ang ila puwersa kag nagadulhog sa mga kabarangayan agud magpamahog kag mangilkil.
Nagtuga ini sang kahadlok sa mga pumuluyo suno sa militar.
May kaangtanan sini, pabaskugon pa sang militar suno kay Magbalot ang community support program kun sa diin ila ginabisitahan ang mga pumuluyo kag opisyal sang barangay agud mapasiguro nga handa ang militar nga protektahan ang mga ini.