ILOILO CITY – Patay ang Korean businessman matapos ginaalegar ginkuga sang kaugalingon sini nga bata sa ila ginaarkilahan nga apartment sa Ledesco Village, Cubay, Jaro, Iloilo city.
Ginkilala ang biktima nga si Jin Soo Chun samtang ang suspek naman amu ang panganay sini nga si Hye Seong Chun alyas James.
Naabtan sang mga otoridad nga nagahapaon nga wala sang kabuhi sa ila hulot ang biktima kag may lubid pa sa li-og.
Ang biktima ang nagapanag-iya sang mga salon kag restaurant bussiness sa Iloilo kag iban nga bahin sang pungsod.
Suno kay alyas Nonoy, maintenance crew sang apartment, bag-o lang nag-abot ang biktima gikan sa Baguio, apang nag-away ini kag ang iya asawa nga isa man ka Korean.
Nagtambag ang anak kag nakuga ang tatay.
Ginpahayag ni SPO1 Arnel Villarante nga may inagyan pa sang lubid ang kamot sang suspek nga karon ginapaidalom na sa imbestigasyon.