ILOILO CITY – Patay ang Grade 5 pupil matapos nagbitay sang kaugalingon sa Barangay Cari Menor, Leganes, Iloilo.
Ginkilala ang biktima nga si Nonoy, 11-anyos.
Sa interview sang Bombo Radyo Iloilo kay PO2 Leo Barnuevo, imbestigador sang Leganes Municipal Police Station, ginpahayag sang iloy sang biktima nga may depression ang bata bangud sa pag-bully sang iya mga classmates.
Masami ginasunlog ang biktima sang iya mga classmates, nga aswang ang ila pamilya.
Antes naghikog ang biktima, naakigan ini sang iloy kag ginhambalan nga indi mag-eskuwela kun indi magkaon.
Ginkakibot na lang sang pamilya sang makita ang bata nga nagabitay na gamit ang higot sang ila ido.