ILOILO CITY – Patay ang 13-anyos nga solterito matapos ginapahayag aksidente nga natiruhan sang kaangay nga menor-de-edad sa Barbaza, Antique.
Suno kay S/Insp. Horizon Villanueva, hepe sang Barbaza Municipal Police Station, sa ila inisyal nga imbestigasyon, ginpahayag sang menor-de-edad nga suspetsado nga ginhampangan nila ang .357 revolver sa sulod sang ila balay sang hinali lang nga napitik sini ang gatilyo.
Ang biktima ang nagatrabaho bilang alalay sa panimalay sang 16-anyos nga suspetsado.
Magluwas sa ila, may duha pa ka mga menor-de-edad nga upod sang mga ini sang natabo ang krimen.
Sa karon indi makustodiya sangpulis ang suspek, sa baylo gintugyan ini sa paghinakop sang Municipal Social Welfare and Development Office (MSWDO).