ILOILO CITY – Nakuha na sa runway sang lloilo International Airport ang eroplano sang Cebu Pacific matapos nga naglubong ini sa
lunang.
Antes mag-udto sang nakuha sa runway ang eroplano sang Cebu Pacific Flight 5J 461 sumugod sadtong Biyernes sang gab-i.
Matapos makuha sa lunang, ginbutang ini sa flat bed sang firetruck sang Civil Aviation Authority of the Philippines (CAAP) ang eroplano kag gin-guyod padulong sa parking bay sang paluparan.
Ginpaathag ni CAAP spokesman Eric Apolonio nga nadugayan ang pagkuha sang eroplano sa runway, bangud tubtob sa tuhod ang kadalumon sang lunang kun sa diin nag-guot ang eroplano.
Naguba man ang nose gear sini kag kinahanglan nga butungon sang mahinay lang bangud nga basa ang duta.