ILOILO CITY – Nag-enjoy ang mga candidates sang Miss Earth 2017 sa ila pagbisita sa Isla Gigantes, isa sa mga kilala nga tourist destination sa banwa sang Carles, Iloilo.
Ini apisar nga na-stranded ang mga beauty queens bangud sang pag-shutdown sang Iloilo International Airport bangud sang naaberya nga eroplano sang Cebu Pacific.
Kalakip sa mga Miss Earth beauties nga nagpadulong sa Isla Gigantes amu sanday Miss Poland, Netherlands, Australia, US Virgin Islands, upod si Miss Earth 2015 Angelia Ong.
Nagbutang man ang mga ini sang artificial reefs kag nagtanom sang mangroves sa Bangcal Bay kag ginbisitahan ang sandbar.
Nagpadulong man ang mga beauty queens sa Sicogon Island.
Ginpahayag sa Bombo Radyo ni Carles Mayor Siegfredo Betita nga dako ini nga bulig para makilala ang banwa sang Carles kag ang Isla Gigantes indi lang sa Pilipinas kundi sa bilog nga kalibutan.