ILOILO CITY – Gin-relieve bilang hepe sang Police Station No. 1 si Police Chief Inspector Aldrin Lamera.
Ini ang ginkumpirma ni Iloilo City Police Office (ICPO) director S/Supt. Henry Binas sa interview sang Bombo Radyo.
Suno kay Binas, sa Police Regional Office 6 (PRO-6) naghalin ang relieve order ni Lamera apang wala sang gintumod nga rason suno sa opisyal.
Sa karon assigned si Lamera sa Regional Holding and Accounting Unit (RHAU) sa Kampo Delgado.
Wala sang ginhingadlan ang PRO-6 nga magbulos sa puwesto ni Lamera.
Suno kay Binas, iya konsultahon ang staff subong nga adlaw para sa igabulos bilang OIC sang Police Station No. 1.
Nahibaluan nga nagapangatubang sang kaso administratibo si Lamera bangud sa pagwasay sang crime statistics room sang Police Station No. 1.