ILOILO CITY – Nagnubo ang supply sang iligal nga droga sa siyudad sang Iloilo.
Ini ang ginpahayag sang Iloilo City Police Office (ICPO) kadungan sang City Peace and Order Council meeting.
Ang puspusan nga kampanya sang mga otoridad batok sa iligal nga droga ang ginalantaw nga isa sa mga rason sang pagnubo sang supply sang illegal drugs sa siyudad.
Sa karon may anom ka mga barangay sa Iloilo City ang nagsumite na sang ila dokumento agud madeklarar nga drug-cleared ang ila barangay.
Wala naman magdetalye ang ICPO may kaangtanan sa barangay officials sa siyudad sang Iloilo nga kabahin sang High Value Targets.