ILOILO CITY – Napaslawan ang kampo ni anay Mayor Jed Patrick Mabilog nga maka-file sang petition for certiorari kahapon agud makakuha sang temporary restraining order (TRO).
Sa interview sang Bombo Radyo, ginpahayag sang abogado ni Mabilog nga si Atty. Jonar Pueblo nga naka-standby na kuntani ang ila tawo sa Metro Manila agud mag-file sang petisyon sa Court of Appeals apang nagdeklarar sang holiday ang korte.
Apang ginpasiguro ni Pueblo nga magapasaka sila sang petisyon sa CA pagbalik sang opisina sa Nobyembre 2.
Kun makakuha sang TRO, mangin null and void suno kay Pueblo ang pagserbe sang Department of Interior and Local Government (DILG) sang dismissal order batok kay Mabilog.
Nagasalig naman ang kampo ni Mabilog nga indi maimpluwensiyahan ang Court of Appeals sa mangin desisyon sini.