Anak sang mga misyonero sa Zambia Africa, madinalag-on nga blood donor sa Dugong Bombo 2017

ILOILO CITY – “Blood is Life.” Ini ang mga palanambiton sang anak sang mga misyonero nga tumandok sang Zambia, Africa matapos nga nagpakigbahin sa bloodletting activity sang Bombo Radyo kag Star FM.
Sa interview sang Bombo Radyo kay Precious Grenada, ginpahayag sini nga luyag niya nga mabuligan ang mga nagakinahanglan sang dugo ilabi na sa subong nga paniempo.
Kabahin sang iya mission amo ang pagbulig sa mga nagakinahanglan gani liyabe diri ang Bombo Radyo sa iya mission antes siya magpa-uli sa Africa sa masunod nga bulan.
Nahibaluan nga si Precious ang nagpadulong diri sa syudad sang Iloilo apat ka tuig na ang nakaligad agud mag-eskwela sa Iloilo Baptist College.
Ang iya ginikanan ang 18 na katuig nga nagatinir sa Zambia sa Africa bilang mga missionaries.