ILOILO CITY – Tatlo ka mga estudyante sang West Visayas State University sa distrito sang Lapaz ang nadala sa Top 10 sang licensure examniation for Teachers (LET) nga ginhiwat sang Setyembre sini nga tuig.
Sa Elementary, nag top 1 sa bug-os nga pungsod si Mary Clarence Gepes Madero nga may 88.80 percent nga rating samtang ika-pito naman si Maria Victoria Lionne Fulgencio Hierro nga nag-angkon sang 87 percent nga rating.
Sa Secondary, yara sa ika-anom nga puwesto si Franz Ian Dominguez Solomon nga may rating nga 91.80 percent.
Sa pangkabug-usan, ika-apat sa top performing schools sa bug-os nga pungsod ang West Visayas State University sa Elementary LET nga may 88.36 percent passing percentage ukon may 258 nga nakapasar halin sa 292 nga nagkuha sang pasinawan.