ILOILO CITY – Mixed emotions ang pambato sang Pilipinas sa Miss Asia Pacific International 2017, pila ka oras antes ang coronation nga hiwaton karon sa gab-i s Newport Performing Arts Theater sa Resort World Manila.
Sa exclusive interview sang Bombo Radyo Iloilo, ginpahayag ni Ilene Astrid de Vera nga excited ini apang nakabatyag man sang pressure.
Apang makabulig sa beauty queen nga tumandok sang Cebu, ang homecourt advantage.
Panawagan sini sa mga Pilipino nga suportahan siya sa handum nga mahatag sa Pilipinas ang ika-lima nga Miss Asia Pacific International title.
Apisar nga bag-uhanon sa pageant world, ginpasiguro sang 22-year old marketing officer kag ramp model nga himuon ang tanan para mahatagan sang dungog ang pungsod.
Nagapati man ini nga makuha sini ang korona kun mangin focus sa iya nga goal.