ILOILO CITY – Patay ang lima ka mga estudyante matapos malumos sa Barangay Bacay, Dumangas, Iloilo.
Ginkilala ang mga biktima nga ang mag-utod nga John Carlo, 16-anyos kag Stephen Lopez, 14-anyos; Ken Segura, 16-anyos; kag Roger Bautista.
Ulihi naman nga na-retrieve ang bangkay ni Voltaire Jade Derutas, 16-anyos.
Ang mga biktima ang Grade 9 students sa Dumangas National High School.
Naghagaray ang mga biktima nga magpaligo sa lugar apang ginbutong sang mabaskog nga current sang tubig.
Sa interview sang Bombo Radyo Iloilo, ginpahayag ni Dumangas Mayor Ronaldo Golez nga dalagko ang balod bangud sa high tide kag open sea ang lugar.
Gintinguhaan pa nga luwason sang ila tiyo ang mga biktima apang napaslawan ini mangud tuman kadalom ang dagat kun sa diin nalumos ang mga biktima.