Mixed emotions ang nabatyagan sang kada finalist sa Bombo Music Festival sa pagsugod na sang rehearsal sa Rose Memorial para sa Grand Performance Night.
Isa-isa nga nag-perform ang 12 ka finalists amo man ang mga presentors.
Nag-umpisa naman ang pag-setup sang LED lights kag iban pa nga designs para sa patigayunon nga grand performance night sa Sabado, January 6, 2018.
Suno kay Adrian Vicencio, composer sang “Kiss Broken Hearts Goodbye”, namag-o ang kalabanan sa ila sa set-up sang venue. Magluwas diri, namag-o man sila bangud nga first time nila nga mag-perform sa orchestra upod ang Bombo Symphony Orchestra.
Nahibaluan nga ang Bombo Symphony Orchestra ang magatukar sa Grand Performance Night.
Samtang, excited naman ang composer sang “Panumpa” nga si Jose LG Fuentes sa ila mangin performance sa Sabado.// Gindayaw sini ang matahum nga LED lights nga nagapanami sa background kag mangin sa arrangement sang iya komposisyon.
Hiwaton ang Grand Performance Night sang Bombo Music Festival sa January 6, Sabado, sa Rose Memorial Auditorium sang Central Philippine University.