ILOILO CITY – Nagbilib ang mga hurado sa Grand Performance Night sang Bombo Music Festival sa mga songwriters kag singer nga nag-perform.
Suno kay Fr. Manuel Francisco nga composer sang mga ambahanon nga “Tanging Yaman” kag “Hindi Kita Malilimutan”, tuman ka talentado ang mga Pinoy, sa diin nabudlayan siya sa pag-husgar.
Ginpahayag pa sang pari nga masandukot ang kompetisyon bangud indi maglayu-ay ang mga scores.
Nagbilib man ini sa 23-piece Bombo Symphony Orchestra nga ginpangunahan sang Musical Director nga si Dr. Gerardo Vincent Muyuela, Dean sang University of San Agustin Conservatory of Music.
Panugyan naman ni Fr. Francisco sa mga composers nga mangin tampad lang sa pagsulat sang ila nga musika kag mangin authentic.