ILOILO CITY – Lauman ang mas engrande nga Bombo Music Festival sa masunod nga tuig.
Ini ang ginpasalig sang chairman sang Bombo Radyo Philippines nga si Dr. Rogelio Florete, kadungan sang madinalag-on nga Grand Performance Night sang Bombo Music Festival sang Sabado sang gab-i sa Rose Memorial Hall sang Central Philippine University.
Suno kay Dr. Florete, nadesisyunan nga himuon nga isa sa mga civic project sang Bombo Radyo ang Bombo Music Festival, kaangay sang Bombo Medico kag Dugong Bombo.
Ginpanginbulahan man ni Dr. Florete ang committee sa likod sang pag-organisa sang Bombo Music Festival.
Suno naman sa President kag CEO nga si Ms. Margaret Ruth C. Florete, katuyuan sini nga mahatagan sang kahigayunan ang mga aspiring Filipino songwriters nga mapakita ang ila talento.
Pagtamod man ini suno kay Ms. Florete sa corporate social responsibilities sang network agud matib-ong ang musika kag kultura sang mga Filipino.