ILOILO CITY – Indi gihapon makapati ang champion sang Bombo Music Festival nga si Joseph Ponce sang Baesa, Quezon City sa iya kadalag-an.
Suno kay Ponce, composer ng awiting “Gusto Kong Maging,” kuntento na ini nga makasulod sa Top 3, apang sang siya ang gindeklarar nga champion, tuman nga kalipay ang iya nabatyagan.
Wala ginalauman ni Ponce nga ini ang magdaog bangud lunsay talented ang 12 ka mga finalists.
Nagapati si Ponce nga kahimuan sang Diyos ang iya pagdaog sa kompetisyon.
Deadline na sa pagpasa sang entries sa Bombo Music Festival apang nagaduha-duha pa ini kun mapasa sang entry.
Nagasakay ini sa jeep kag lain ang ruta nga gin-agyan rason nga nagpanaog.
Nakita sini sa kilid, ang talatapan sang Bombo Radyo Philippines kag ginkabig ini nga senyales nga magpasa sang entry.
Gamiton ni Ponce ang P200,000 nga nadag-an, para magtukod sang negosyo para sa iya bayaw agud indi na magtrabaho sa iban nga pungsod.
Ginpasalamatan sini ang Bombo Radyo Philippines sa paghatag sa ila sang oportunidad nga ma-showcase ang ila talento.