ILOILO CITY – Patay ang empleyado sang banwa sang Sara, Iloilo matapos ginluthang sa isa ka kalan-an sa Poblacion, Concepcion, Iloilo.
Suno kay Chief Insp. Abner Jordan, chief of police sang Concepcion Police Station, nagakaon ang biktima nga si May Luzuriaga, 53-anyos, assigned sa Engineering Department sang munisipyo sang Sara, upod ang kabulig sini sa balay kag officemate sa Nory’s Refreshment sang ginpalapitan sang isa ka lalaki kag ginluthang.
Gindala pa sa Sara District Hospital ang biktima apang gindeklarar nga dead on arrival.
Gilayon naman nagpalagyo ang suspetsado sakay sa itom nga motorsiklo.
Indi pa matumod sang kapulisan ang motibo sa pagpatay sa biktima nga anak ni anay Sara Vice Mayor Bonifacio Luzuriaga.
Nakuhaan naman sang CCTV ang insidente.