ILOILO CITY – Magapatuman sang signal jamming kadungan sang Dinagyang Festival 2018 sa siyudad sang Iloilo.
Sa interview sang Bombo Radyo, ginpahayag ni Iloilo City Police Office (ICPO) spokesperson S/Insp. Sheila Mae Sangrines nga utdon ang signal sang telcos sa Enero 27-28, alas-6:00 sang aga tubtob alas-3:00 sang hapon sa Iloilo Freedom Grandstand.
Magapatuman man sang gun ban sumugod Enero 23-29.
Suno pa kay Sangrines, hugtan ang paggamit sang drones kun sa diin kinahanglan anay magkuha sang clearance gikan sa Civil Aviation Authority of the Philippines (CAAP).
Sa mga magalantaw sang Kasadyahan Festival kag Ati Tribe Competition, indi mahimo magdala sang mga bladed weapons, barbecue sticks kag botelya.
Indi man mahimo magdala sang backpack ang mga merrymakers.
Ginpanugyanan naman sang ICPO ang mga ginikanan nga butangan sang ID ukon name tag ang ila mga kabataan agud madasig nga makilala sa ti-on nga mabulag sa ila mga ginikanan.