ILOILO CITY – Ginpakamalaot sang pila ka mamalidha ang pamahog ni House Speaker Pantaleon Alvarez nga “zero budget” para sa mga local government unit (LGU) nga indi mag-upod sa PDP-Laban.
Sa interview sang Bombo Radyo Iloilo, ginpahayag ni Magdalo Rep. Gary Alejano nga kaangay nalipatan ni Alvarez nga demokrasya nga pungsod ang Pilipinas.
Posible suno kay Alejano nga ginapanumdom ni Alvarez nga ini ang naga-uyat sang pondo ukon ginakuot lang sini sa iya bulsa ang budget sang pungsod.
Ginpahayag sang mamalidha nga indi dapat pagpahugon ni Alejano ang mga lokal nga opisyal para lang suportahan ang ginaduso sini nga federalism.