ILOILO CITY – Liwat ginlaslasan ni House Speaker Pantaleon Alvarez si Chief Justice Ma. Lourdes Sereno sa pagpakatig-a sini nga magtambong sa Kamara may kaangtanan sa ginapangatubang nga impeachment hearing.
Sa interview sang Bombo Radyo Iloilo, ginpahayag ni Alvarez nga may tiriring ukon lain ulo si Chief Justice Sereno.
Suno pa sa House Speaker, makita man kuno sa mga hulag ni Sereno nga may tiriring ini.
Ginpahayag naman ni Alvarez nga magaatubang sa House Justice Committee ang psychiatrist nga naghatag sang manubo nga grado kay Sereno sa mental fitness test kag magatestigo batok sa mahistrado.
“By next week, I thin mag-a-appear din yung ano… yung psychiatrist na tumingin sa kaniya at magte-testify na talagang hindi siya umabot doon sa required qualification. At dito may problema talaga.Kung… Mahirap may tililing na justice. Kita niyo naman ang actuations, talagang may tililing. ‘Di ba?” suno kay Alvarez.