ILOILO CITY – Nadakpan sa drug buy bust operation sang Regional Drug Enforcement Agency (RDEU) sa Project 5, Molo, Iloilo City ang duha ka mga menor-de-edad.
Ginpahayag ni Chief Insp. Kenneth Bermejo, pinuno sang RDEU, ang nasambit nga mga menor-de-edad ang lunsay 17-anyos.
Nagalab-ot sa 118 ka sachet sang shabu ang nakuha gikan sa duha ka mga subject.
Suno kay Bermejo, naga-repack ang duha sang iligal nga droga bangud sa sugo ni Werjohn Tarnate nga isa ka preso sa Iloilo District Jail sa Barangay Nanga, Pototan, Iloilo.
Natukiban naman nga isa sa nadakpan ang anak ni PO2 Rolando Colon nga assigned sa Police Station no. 1.