ILOILO CITY – Ginakalangkagan na sang mga Ilonggo ang performance sang mga banda nga nagapasakop sa Handog sang Bombo Radyo kag Star FM sa Dinagyang Festival 2018: Battle of the Bands karon sa gab-i.
Sa interview sang Bombo Radyo kay Kristine, lead vocalist sang banda nga Blind Curve, ginpahayag sini nga “tagos sa puso” ang ginpreparar nila nga mga ambahanon kag sulit ang paglantaw sa kahiwatan.
Makaupod sini ang mga ka-banda nga sanday Tommy nga isa man ka bokalista, Clyde sa bass guitar, keyboardist nga si Josh, drummer nga si Mark kag ang lead guitarist nga si Spike.
Magluwas sa Blind Curve, maga-perform man ang iban nga banda nga ginalakipan sang:
1.Sagittarius
2.Alamat ni Nuno
3.Syncopat
4.Libra
5.Article 7
6.Driven
7.Papa ni Morgana
8.Kamunsil
9.Hopurg Hikam
10.Tanke de Guera
11. Crisalog Chuchix
Ang Handog sang Bombo Radyo kag Star FM sa Dinagyang Festival ang libre kag may ipanagtag man nga libre nga T-shirt.
Antes ang pagsugod sang Battle of the Bands, masaksihan man sang mga tumalan-aw ang ginpatigayon nga Bombo Music Fstival, paagi sa naka-setup nga big screen.
Patigayunon ang Handog sang Bombo Radyo kag Star FM sa Dinagyang Festival 2018, alas-6:00 karon sa gab-i sa Plaza Mayor, Plazuela de Iloilo.